Zer da?

Batzorde honek AMPAtik familiei eskaintzen zaizkien hainbat zerbitzu bateratzen ditu. Batzorde anitza da baina Amara Berri osatzen dugun familiei egokitutako kalitatezko prestazioak proposatzeko helburu bateratuarekin.

Hauek dira eskaintzen diren zerbitzuak. Atal bakoitzean labur azaltzen da zertan datzan bakoitza:

  • Haurtzaindegia
  • Udalekuak
  • Guraso eskola
  • Zinema
  • Eskolaz kanpoko jarduerak (batzorde propioa du )

7:30 eta 9:00ak bitarteko haurtzaindegi zerbitzua da Amara Berriko eraikin desberdinetan, bai HH eta baita LHn ere. Loiola eraikineko haurrek zerbitzu hau Salaberriako eraikinean jasotzen dute eta gero autobusa hartzera laguntzen zaie. Zerbitzu honen arduradun diren begiraleak kanpoko langileak dira, AMPAk kontratatutako enpresa batekoak. Urteak daramatzagu beraiekin lanean eta beti eskaini digute arreta bikaina gure beharrei ondo erantzunez. Zerbitzu hau ikasturte osorako, hilabeteka edo noizean behin kontratatu daiteke, ordutegi osoan zein horren zati batean.

Zerbitzua kontratatzeko posta elektroniko bat bidali behar da gorkaaristegi@hotmail.es helbidera izen-abizenak, ikasturtea eta zentroa adieraziz. Izena emateko informazio osoa ikasturtea hasi baino lehen bidaltzen zaie familiei eta webgunean ere aurki daiteke. Gainera AMPAk doako haurtzaindegi zerbitzua eskaintzen du egiten dituen bileretarako, hitzaldietarako eta tailerretarako bi urtetik gorako haurrentzat, aurrez izena emanda ekimenaren informazioan azaldu ohi den moduan. Baita ere ikastetxeak ikasturte hasieran antolatzen dituen bilera informatiboetarako.

Gabonak, Aste Santua eta udako oporraldietarako zein ekaina eta iraileko arratsaldeetarako pentsatuta dauden udalekuak dira. AMPAk bilatzen duen helburu nagusia udalekuak hauek antolatzean haurrei ekintzak eskaintzea da gurasoen lanaldia estali ahal izateko.

Haurrek adin bereko beste haurrekin elkar eragitean datza, kirol jarduerak zein jarduera hezitzaileak eta ludikoak eginez. Hau guztia langile kualifikatuen ikuskaritzapean.

Jarduera hauetan euskarazko komunikazioa lehenesten da eta gehienak ikastetxearen guneetan egiten dira, Udalak uzten dituenak jarduera hau etxetik gertu, ingurune ziur eta kalitatezkoan egin ahal izateko.

  • JOLASI: txikienentzako udalekuak dira, 2 urtetik 6 urte bitartekoak. Morlanseko eraikinean egiten dira. Begirale adituek jokoak, eskulanak, uraren eguna eta txangoak prestatzen dituzte. Hasi baino lehen eta bukatu eta gero haurtzaindegi zerbitzuarekin ordutegia zabaltzeko aukera ere badago, 8:30etik 9:00ak arte eta 13:00etatik 14:00etara.
  • KIROL HEZI: helduagoentzat koloniak dira, 6 urtetik 12 urte bitartekoak. Ferreriaseko eraikinean egiten dira jarduerak eta begirale adituek jokoak, kirol desberdinak, uraren eguna eta txangoak antolatzen dituzte.
  • Behar dutenentzat haurrak Morlansen uzteko aukera dago ondoren monitore batek Ferreriasera eramateko. Kolonietan izena emateko familiei bidaltzen zaien izen-emate orria bidali behar da honako helbide hauetara:

Jolasi: gorkaaristegi@hotmail.es

Kirol hezi: kirolekintzak@gmail.com

Guraso eskolan psikologiarekin, ikasketa prozesuarekin edo seme-alabekiko harremanarekin lotuta dauden gaiak lantzen ditugu. Hitzaldiak eta tailerrak antolatzen dira gaian adituak diren pertsonek koordinatuta gure seme-alabei hazten laguntzeko eta guri ere beraiekin hazten laguntzeko.

Agendan eta honako estekan egingo diren hurrengo jardueren berri duzue.

Hilean bi igandetan ikasleei zuzendutako filmak eskaintzen dira Ferrerias eraikineko areto batean. Zerbitzu honen helburuetako bat haurren autonomia sustatzea da, batetik 6 urtetik gorakoak zinemara bakarrik joatea eta bestetik haurrak berak direlako akomodatzaileak, sarrera salmenta egiten dutenak (euro 1eko sarrera sinbolikoa) eta amaieran aretoa jasotzen dutenak.

Batez ere euskarazko filmak eskaintzen dira. Egun berezietan gaztelera edo ingelesez ere antolatzen dira. Film gehienak adin guztientzat dira nahiz eta ikasturtean zehar badauden batzuk haur hezkuntzakoentzat eta beste batzuk lehen hezkuntzakoentzat zuzenduak.

Saioak 17:00etan hasten dira. Agendan ikus dezakezue eskainiko den hurrengo filma zein izango den.